
马尔巴大师教言集MARPA6རྡོ་རྗེ་རྣལ་འབྱོར་མའི་སྒྲུབ་ཐབས།
1-1-45b
༄༅། །རྡོ་རྗེ་རྣལ་འབྱོར་མའི་སྒྲུབ་ཐབས།
༄༅། །རྒྱ་གར་སྐད་དུ། བཛྲ་ཡོ་གི་ནི་ས་དྷ་ན། བོད་སྐད་དུ། རྡོ་རྗེ་རྣལ་འབྱོར་མའི་བསྒྲུབ་(སྒྲུབ་)ཐབས། ཐུགས་རྗེ་ཆེན་པོ་ལ་ཕྱག་འཚལ་ལོ། །དང་པོ་རེ་ཤིག་སེམས་ཅན་ཐམས་ཅད་སྡུག་བསྔལ་གྱི་རྒྱ་མཚོ་ལས་བསྒྲལ་ཏེ་རྫོགས་པའི་བྱང་ཆུབ་ཀྱི་བདེ་བ་ལ་བགོད་པར་བྱའོ། །ཞེས་པ་ཚད་མེད་པའི་རྣལ་འབྱོར་མངོན་དུ་བྱའོ། །དེ་ནས་རང་གི་བླ་མ་བསྒོམ་པར་བྱའོ། །དེའི་རྗེས་ལ་སྙིང་ཁར་ཨ་ལས་ཟླ་བའི་དཀྱིལ་འཁོར་བསམས་ལ། དེར་ཨོཾ་སརྦ་བུད་དྷ་ཌཱ་ཀི་ནི་ཡེ། བཛྲ་ཝཪྞྞ་ནི་ཡཱེེ། ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་པའི་སྔགས་ཀྱིས་ཕྲེང་བ་ཁ་དོག་དམར་པོ་འོད་ཟེར་ཁ་དོག་སྣ་ཚོགས་འཕྲོ་བ་ལུགས་ལས་བཟློག་པར་བསམ་མོ། །དབུས་སུ་ནི་བྃ་ཡིག་གོ། །དེའི་འོད་ཟེར་གྱིས་རང་གི་ལུས་ཀྱི་ཡོངས་སུ་དག་ནས་ཁྱབ་པར་ཡོངས་སུ་དག་ནས་བདག་ཉིད་བཅོམ་ལྡན་འདས་མ་རྡོ་རྗེ་ཕག་མོ་སྐུ་མདོག་དམར་མོ། བསྐལ་པའི་མེ་ལྟར་འབར་བ། ཕྱག་རྒྱ་ལྔའི་རྒྱན་དང་ལྡན་པ། སྣ་ཚོགས་པདྨ་དང་ཉི་མའི་གདན་ལ་འཇིགས་བྱེད་དང་དུས་མཚན་ཞབས་ཀྱིས་མནན་པ། གཡས་ན་རྡོ་རྗེ་གྲི་གུག །གཡོན་ཐོད་པ་དང་ཁ་ཊྭཱྃ་ཁ་འཛིན་པའོ། །དེ་ནས་ཡང་ཡིག་འབྲུའི་
1-1-46a
ཚོགས་ཀྱི་འོད་ཟེར་གྱིས་དཔའ་བོ་དང་མཁའ་འགྲོ་མའི་ཚོགས་ཐམས་ཅད་སྤྱན་དྲངས་ཏེ། བདག་ཉིད་ལ་གཞུག་པར་བྱའོ། །ཡང་དེའི་འོད་ཟེར་གྱིས་འགྲོ་བ་དག་པར་བྱས་ནས། སླར་ལོག་སྟེ་སྔགས་ཀྱི་ཕྲེང་བ་ཉིད་ལ་ཞུགས་པ་དང་། །ཡིད་དང་ངག་གི་དབྱེ་བས་བཟླས་པར་བྱའོ། །དེ་ནས་བྃ་ཡིག་གི་འོད་ཟེར་གྱིས་ས་གསུམ་དང་། ལུས་དང་ཡི་གེའི་རིམས་ཀྱིས་བསམ་གྱིས་མི་ཁྱབ་པ་ལ་ཞུགས་པ་མངོན་དུ་འགྲོ་བས་དེ་ཁོ་ན་ཉིད་བསྒོམ་པར་བྱའོ། །ལྷན་ཅིག་སྐྱེས་མའི་བསྒོམ་པ་མདོར་བསྡུས་པ། ཇོ་བོ་དཔལ་ལྡན་ན་རོ་པའི་ཞལ་གྱི་གདམས་པ་རྒྱུད་པའི་རྗེས་སུ་སྣང་བ་ཞེས་བྱའོ། །རྫོགསྷོ།། །།


目录
རྡོ་རྗེ་རྣལ་འབྱོར་མའི་སྒྲུབ་ཐབས།